Чекор 1:

Кромидот и лукот ги лупите и ситно ги сечкате. Кромидот го пржите на загреано масло и потоа ги додавате меленото месо и биберот. Печете на тивок оган со повремено додавање вода додека месото не омекне. На крајот се додава и лукот.

Чекор 2:

Додека месото се пржи ги лупите модрите патлиџани и ги сечете по ширина на кругови со дебелина од околу половина сантиметар. Го посолуваме и ги оставаме да отстојат околу 15 минути. Потоа ги сушиме па пржиме во масло.

Чекор 3:

Ги лупите доматите, ги чистите од семки и сечете на коцки. Еден од нив го сечете на кругови. Исчистената пиперка исто така ја сечете на коцки ја мешате со доматите.

Чекор 4:

Во огноотпорен сад редите ред модри патлиџани па на нив ставате пола од количината на мелено месо. Потоа ставате ред домати и пиперки. Сето тоа го покривате со остатокот од месото, а на врвот ги ставате останатите модри патлиџани и доматите исечени на кругови.

Чекор 5:

Така наредената мусака ја полевате со 2 дл. топла вода и печете 30 минути на температура од 220 степени. Зачинувате со магдонос.

Чекор 6:

Со мусаката, како прилог служите Битолско кисело млеко.